Nókis transport texnikumınıń dúzilgenine 60 jıl tolıwı hámde "Transport tarawı xızmetkerleri kúni" múnásibeti menen bayram ilajları ótkerildi.

Búgingi kúnde Qaraqalpaqstan Respublikasında jumıs alıp barıp atırǵan bir qansha kásip-óner kolledjleri hám akademiyalıq liceyler arasında Nókis transport texnikumınıń ornı girewli.

Sebebi, 60 jıl dawamında elimizge belgili miyneti sińgen basshı azamatların, professor, ilim doktorların jetilistirip shıǵardı.

Ásirese, transport tarawı wákilleri xalqımızdıń uzaǵın jaqın, awırın jeńil etiwde ayrıqsha xızmetleri bar. Sizlerdiń miynetińiz sebepli qalamız hárekette, mıńlaǵan jolawshılar bolsa óz mánzillerine óz waqtında jetip barmaqta. Sonıń menen birge mámleketimiz ekonomikasınıń rawajlanıwında da ózine tán ornına iуe.

Iláj dawamında usı texnikumda oqıp, bilim alǵan hám Transport tarawında kóp jıllar dawamında miynet etken nuranıylar sózge shıǵıp, bayram menen qutlıqladı.

Iláj sońında mádeniyat tarawı xızmetkerleri tárepinen tayarlanǵan konsert baǵdarlaması usınıldı.