Nókis transport texnikumında úsh áwlad ushırasıwı bolıp ótti.

Ushırasıwǵa respublika hám rayon basshıları, pidayı miynet veteranları, aymaqtıń rawajlanıwına salmaqlı úles qosqan tájiriybeli insanlar hám jaslar qatnastı.

Dáslep jaslar ushırasıwǵa kelgen miymanlardı saltanatlı túrde kútip alıp, búgingi kúnde texnikumda jaslarǵa jaratılǵan qolaylıqlar menen tanıstırdı.

Ilajda sózge shıqqan nuranıylar, úsh áwlad ushırasıwınıń jámietlik-ruwxıy turmısımızdaǵı ornı, ásirese, jaslardı tárbiyalawdaǵı áhmietine ayrıqsha toqtap ótti.

Jaslarda ózleriniń qızıqtırǵan sorawları menen jaqınnan sáwbetlesti.