Qaraqalpaqstan Respublikası Transport ministri P.Kaipbekov hám tasıwshı avtokárxana basshıları "Zhongtong Bus Holding Co, Ltd" avtobus zavodınıń wákilleri menen ushırastı.

Ushırasıw dawamında birge islesiwdegi sheriklikti keńeytiw, jámietlik transport sistemasına investiciya kirgiziw máselesi kórildi.

Yaǵnıy, Qaraqalpaqstan Respublikasın jeterli dárejedegi avtobuslar menen támiyinlew, olardıń talapları boyınsha tolıq túsindirildi hám aldaǵı waqıtlarda birge islesiw boyınsha kelisimlerge erisildi.

"Zhongtong Bus Holding Co, Ltd" avtobus zavodınıń wákilleri de ózlerinde islep shıǵarılǵan avtobuslar boyınsha keńnen túsinik berdi.