Kegeyli rayonında Qaraqalpaqstan Respublikası  Transport ministri B.Seytmuratov  puqaralar ushın kóshpeli qabıllaw ótkerdi.

Qabıllaw dawamında puqaralar tárepinen jámiyetlik transport xızmetin jetilistiriw, avtobus qatnawların jaqsılaw, transport infrastrukturasın rawajlandırıw, jolawshılar ushın qolaylı sharayatlar jaratıw hám basqa da máseleler boyınsha múrájatlar bildirildi.

Transport ministri hár bir puqaranıń múrájatın dıqqat penen tıńlap, tiyisli máseleler boyınsha ámeliy túsindirmeler berdi. Qosımsha úyreniwdi talap etetuǵın múrájatlar boyınsha tiyisli xızmetkerlerge tapsırmalar berilip, olardıń orınlanıwı baqlawǵa alındı.

Qabıllaw sońında puqaralar menen ashıq hám tıǵız baylanıstı júrgiziw, olardıń múrájatların óz waqıtında kórip shıǵıw hám unamlı sheshiw boyınsha jumıslar izbe-iz dawam etetuǵınlıǵı atap ótildi.