Házirgi waqıtta Nókis qalası ishindegi mikroavtobuslarda "Birden-bir QR-Tólem" Joybar koncepciyası engizilmekte.  Jolawshılarǵa qolaylıq jaratıw maqsetinde jol haqısın tólew ápiwayılastırılmaqta.

Hár bir mikroavtobus salonına (kiriw bólimine hám jolawshılarǵa kórinetuǵın orınlarǵa) ózine tán QR-kod jabıstırılıp atır. Búgingi kúnde eki jónelistegi avtotransportlarǵa QR-kod iske túsirildi hám basqıshpa-basqısh barlıq mikroavtobuslarǵa qoyıladı.

Bul QR-kod usı avtotransport quralı hám onıń jónelisine baylanıstırılǵan. Jolawshı qálegen belgili tólem qosımshası (Click, Payme, Uzum hám t.b.) yamasa joybardıń jeke qaltasınan QR-kodtı skannerlep alıp pul ótkeriwine boladı.

Jolawshınıń jol haqısın tólegeni boyınsha aydawshınıń smartfonına arnawlı qosımsha ornatıladı hám sol arqalı jol haqısın tólegenin bilip aladı.

Jol haqısın qalay tólew kerek ekenligin biliw ushın joqarıdaǵı video qollanba arqalı kóriwińizge boladı.

Húrmetli jolawshılar!

Jol haqısın tólegende QR-kodtan paydalanıń.