Ózbekstan Respublikası Ministrler Kabinetiniń 03.06.2026-jıl 276-sanlı qararınıń 2-bántine tiykar, «Brutto shártnama» tiykarında shólkemlestirilgen qala ishi avtobus jónelislerinde jol haqı túsimleriniń tolıqlıǵın támiyinlew maqsetinde, jolawshlar tárepinen jol haqını avtomatlastırılǵan tólew sisteması terminalları (validatorlar) menen úskenelengen avtobuslarǵa shıǵıwda, tómendegi ámeller qollanıladı.

-Jańa tártipke bola jolawshılar avtobusqa miniwi menen jol haqısın tólewi shárt etip belgilendi.

-Jol haqısı, transport yamasa sociallıq kartalardı validatorǵa tiygiziw arqalı sonday-aq, bank kartası, smartfon hám basqa da kontaktsız tólew quralları arqalı tólenedi.

-Eger jol haqı, avtobusqa miniw waqtında tólenbese (yamasa jeńilligin tastıyıqlatpaǵan bolsa), jolawshı biletsiz háreketlenip atır dep esaplanadı hám bul járiymaǵa sebep bolatuǵınlıǵı haqqında belgilengen.

 Sonday-aq, Qaraqalpaqstan Respublikası Ministrler Keńesiniń 2025-jıl 20-avgust kúngi 479-13-0-Q/25-sanlı qararınıń orınlanıwın támiyinlew maqsetinde, Nókis qalası ishindegi «Brutto shártnama»sı tiykarında xızmet kórsetiwshı avtobus jónelislerinde jol haqı naq pulsız, elektron tárizde tólengen tólemler (transport kartası ATTO, aralıqtan tólem qabıl etiwshi bank kartaları) arqalı bir jolawshıǵa 2000 sum etip belgilengen.

Joqarıda keltirilgen qararlardıń orınlanıwın támiyinlew hámde xalıqqa qolaylıqlar jaratıw maqsetinde, usı jıldıń 1-noyabr sánesinen baslap Nókis qalası ishindegi «Brutto shártnama»sı tiykarında xızmet kórsetiwshı barlıq avtobus jónelislerinde, jol haqını esaplasıw ushın, tek ǵana elektron tárizde tólemlerdiń qabıl etiletuǵınlıǵın málimleymiz.