Kar24uz telegram kanalı arqalı "Taqıyatas-Nayman" jónelisindegi jónelisli avtotransportlardıń jol haqını óz basımshalıq penen asırıp xızmet kórsetip atırǵanlıǵı boyınsha járiyalanǵan múrájatqa tómendegilerdi málim etip bildiremiz.

"Taqıyatas-Nayman" jónelisli taksi jónelisleri boyınsha Transporttı qadaǵalaw inspekciyasınıń Avtomobil hám suw transportında qadaǵalaw Qaraqalpaqstan Respublikası aymaqlıq bólimi tárepinen reyd ilájları ótkerildi.

Reyd dawamında jónelistegi avtotransportlardıń belgilengen jol haqısı boyınsha xızmet kórsetip atırǵanlıǵı, tek bir avtotransport basqarıwshısınıń jol haqını asırıp xızmet kórsetkenligi anıqlandı hám kárxana basshısı tárepinen jumıstan shetletildi.

Házirgi waqıtta "Taqıyatas-Nayman" jónelisi boyınsha "AVIATOR XOJELI" JSHJ tárepinen xızmet kórsetilmekte.

Sonday-aq, kárxana baslıǵı tárepinen kúndelikli qadaǵalawǵa alınǵanlıǵın bildiremiz.