Qaraqalpaqstan Respublikası Transport ministrliginde Qaraqalpaqstan Respublikası Hákimshilik sudınıń sudyası A.Imatov hám sudyanıń aǵa járdemshisi E.Bisenov qatnasında "Ózbekstan — 2030" strategiyası sheńberinde mámleketimizde, sonıń ishinde, sud-huqıq tarawında ámelge asırılıp atırǵan reformalar, Mámleketlik uyım hám shólkemlerde xalıqtıń múrájatları menen islesiw tártibi hám Transport tarawındaǵı kelispewshiliklerdi hákimshilik sudlarda kórip shıǵıw ámeliyatı boyınsha Transport ministrliginiń xızmetkerlerine arnawlı seminar-sabaq shólkemlestirildi.

Bundaǵı tiykarǵı maqseti transport tarawına baylanıslı hákimshilik islerdi sudta kóriw dawamında anıqlanıp atırǵan sistemalı qáte-kemshiliklerdi tallaw hám olardıń aldın alıw ilajların dodalawdan ibarat boldı.

Dodalanǵan tiykarǵı máseleler sud ámeliyatındaǵı qáte hám kemshiliklerdiń analizi Transport ministrligi hám onıń tómengi strukturaları tárepinen qabıl etilgen ayırım buyrıq, qarar hám biyliklerdiń nızamshılıqqa muwapıqlıǵı boyınsha júzege kelgen sud kelispewshilikleri talıqlandı. Huqıqtı qollanıw ámeliyatında jol qoyılıp atırǵan materiallıq hám processual huqıq normalarınıń buzılıw jaǵdaylarına ayrıqsha toqtap ótildi.