Qaraqalpaqstan Respublikası Transport ministrligi hámde Qaraqalpaqstan Respublikası  Jolawshı tasıwdı monitoring hám qadaǵalaw mámleketlik shólkemi xızmetkerleriniń huqıqıy sawatqanlıǵın arttırıw hám zamanagóy elektron mámleketlik xızmetlerden nátiyjeli paydalanıw kónlikpelerin bekkemlew maqsetinde "E-Notarius.uz" portalı, onlayn notarial xızmetler hám olardıń abzallıqlarına baǵıshlanǵan úgit-násiyatlaw ilajı shólkemlestirildi.

Ilajda Qaraqalpaqstan Respublikası Transport ministrligi bas yuriskonsultı Z.Rasbergenov   hám Qaraqalpaqstan Respublikası Jolawshı tasıwdı monitoring hám qadaǵalaw mámleketlik shólkemi bas yuriskonsultı I.Tlepbaeva tárepinen "E-Notarius.uz" portalı arqalı kórsetilip atırǵan elektron notarial xızmetler, olardan paydalanıw tártibi, puqaralar ushın jaratılǵan qolaylıqlar hám usı sistemanıń abzallıqları boyınsha tolıq maǵlıwmat hám ámeliy túsinikler berildi.

Sonday-aq, ámeldegi nızamshılıq normaları, notarial xızmetlerden paydalanıwdıń huqıqıy tiykarları hám xızmetkerlerdi qızıqtırǵan máseleler boyınsha zárúr huqıqıy túsinikler berildi.

Ilaj sońında qatnasıwshılar ózlerin qızıqtırǵan sorawlarǵa qánigeler tárepinen hár tárepleme juwaplar aldı. Ilaj dawamında qatnasıwshılardıń elektron notarial xızmetlerden paydalanıw boyınsha huqıqıy bilim hám ámeliy kónlikpeleri jáne de bayıtıldı.