Transport ministrligi hám BMSh Rawajlanıw baǵdarlaması menen birgelikte ámelge asırılıp atırǵan hám GEF tárepinen qarjılandırılıp atırǵan "Tashkent - Kem uglerodlı transportqa investiciyalardı tartıwdı jedellestiriw" grant joybarı sheńberinde "Jasıl qala transport koridorı boylap tiykarǵı ekologiyalıq kórsetkishler monitoringi baǵdarlamasınıń nátiyjeleri" temasında seminarlar shólkemlestirildi.

Nókis hám Úrgensh qalalarında bolıp ótken seminarlarda Tashkent qalasınıń Shota Rustaveli kóshesinde 2025-jılı engizilgen transport koridorınıń (BRT) ekonomikalıq, ekologiyalıq hám sociallıq tásirin úyreniw nátiyjeleri tanıstırıldı.

Kóshe infrastrukturasınıń jaqsılanıwı, onda ajıratılǵan avtobus jolı hám velosiped jollarınıń engiziliwi, qosımsha jasıl landshaft maydanlarınıń jaratılıwı nátiyjesinde bir qatar unamlı ózgerisler baqlandı.

Atap aytqanda, 2026-jılda alınǵan kórsetkishler 2023-jılǵı bazalıq indikatorlar menen salıstırǵanda tómendegiler anıqlandı:

jol boylap jeńil avtomobillerdiń ortasha tezligi 18 procentke, avtobuslardıń ortasha tezligi 45 procentke artqan;

jámietlik transportta kúnlik jolawshı aǵımı 8 052 ge yamasa 9 procentke artqan;

Atmosfera hawasınıń pataslanıwın ólshew sensorları bergen maǵlıwmatlarǵa bola jol boylap hawa sapası jaqsılanǵan:

Atap aytqanda, azot dioksidi (NO2) konsentraciyası 102 procentke, uglerod oksidi (CO) 33 procentke azayǵan.

Mayda dispersli bóleksheler (PM 2.5, PM 10) koncentraciyası da belgilengen normativlerden aspaǵan.

Sonday-aq, kóshe boyında jasawshı xalıq hám jolawshılar arasında sorawnama ótkerilip, 610 respondenttiń pikiri úyrenildi.

Xalıqtıń bul rekonstrukciya jumısları hám transport koridorınan qanaatlanıw dárejesi 90 procent ekenligi anıqlandı.