Aviakompaniya basshıları Nókiste isbilermenler, turoperatorlar, aviabilet satıw boyınsha agentler, ǴXQ hám jaslar menen ashıq ushırasıw ótkerdi. Hár bir múrájat hám usınıslar kórip shıǵılıp, juwap qaytarıldı. Sonday-aq, usınıslardıń bir bólegi bas ofiste islep shıǵıw ushın tiyisli strukturalıq bólimlerge tapsırıldı.

Kún tártibinde áhmietli jónelisler tarmaǵı, sonıń ishinde, Tashkentke kúndelikli aviaqatnawlar jáne Moskva hám Almatıǵa turaqlı párwazlar dodalandı. Biznes wákilleri sanlastırıwdı unamlı bahaladı: elektron hújjet aylanısına ótiw jumıstı sezilerli dárejede optimallastıradı hám xızmet kórsetiwdi jedellestiredi.

Basqarma baslıǵınıń kommerciya hám turizm boyınsha orınbasarı Shuxrat YAdgarov jaslardıń bortkuzatuwshılıq kásibi haqqındaǵı sorawlarına juwap berip, aspanǵa kóteriliwge aldınnan tayarlıq kóriw kerek ekenligin atap ótti. Talabanlardan shet tilleri, tariyx hám geografiyanı biliw, sonday-aq, sonday-aq, bekkem densawlıq hám stresske shıdamlılıq talap etiledi.