Bul sáne hár jıl sayın balalarımızdıń bayramı sıpatında keń túrde belgilenip kelinbekte.

Bayram múnásibeti menen Qaraqalpaqstan Respublikası Joqarǵı Keńesiniń Sanaat, qurılıs, transport hám málimleme texnologiyalar máseleleri komitetiniń baslıǵı I.Niyazov hám Qaraqalpaqstan Respublikası Transport ministri B.Seytmuratov, ministr orınbasarı A.Sadirbekov penen birgelikte Nókis qalası "Shıǵıs" MPJ  "Kóklemzar" kóshesindegi "Balalar úyi" ne barıp, ol jerdegi tárbiyalanıwshılar menen sáwbetlesildi hám olarǵa jaratılǵan sharayatlar menen tanıstı. Soń bayram menen qutlıqlap,  bayram sawǵaların tapsırdı.

"Bala kúlse-álem gúlistan" degenindey búgingi balalarımızdıń quwanıshı sheksiz. Keleshegimiz bolǵan balalarımız ata-anaları aldında aman bolsın. Elimizdiń gúllep rawajlanıwına úlken úles qosatuǵınday belgili bir kásip ieleri bolıp jetilisiwin tilep qalamız.