Hár jılı 23-iyun kúni dúnya kóleminde Birlesken Milletler Shólkeminiń Mámleketlik xızmet kúni sıpatında keńnen belgilenedi.

Bul sáne mámleketlik basqarıw sistemasında nátiyjelilik, ashıq-aydınlıq hám pidayılıqtı úgit-násiyatlaw, sonday-aq, mámleketlik xızmetkerlerdiń jumısın tán alıwǵa, puqaralarǵa xızmet kórsetiwdegi joqarı standartlardı engiziwge qaratılǵan.

Mámleketlik xızmetker bul tek ǵana lawazım emes, al juwapkershilik, wazıypa hám hújdan isi bolıp esaplanadı. Hár bir mámleketlik xızmetkerdiń is-háreketleri artında elimizde nátiyjeli basqarıwdı rawajlandırıw, puqaralarǵa sapalı, ádil, operativ xızmet kórsetiw, sonday-aq, turaqlı rawajlanıwǵa úles qosıw maqseti jámlengen.

Ózbekstandı jáne de rawajlandırıw jolında jumıs alıp barıp atırǵan barlıq mámleketlik xızmetkerlerge jańadan-jańa tabıslar tileymiz.

Rawajlanıwımızdıń jańa dáwiri, jańa basqıshında aldımızǵa qoyǵan joqarı maqset hám ideyalardı ámelge asırıwda, alıp barıp atırǵan miynetińizdiń nátiyjesi bárqulla jemisli bolsın!