Qaraqalpaqstan Respublikası Transport ministri orınbasarı A.Sadirbekov Ámiwdárya rayonı “Qılıshbay” APJ aymaǵındaǵı ózine bekitilgen shańaraq aǵzaları menen ushırastı.

Ushırasıw dawamında aymaq turǵınlarınıń múrájatları tıńlanıp, olardı qızıqtırǵan máseleler boyınsha pikir almasıw ótkerildi.

 Ásirese, jolawshı tasıw xızmetin jetilistiriw, avtomobil jollarınıń jaǵdayı, transport qatnawınıń qolaylıǵın arttırıw hám tarawǵa tiyisli basqa da máseleler boyınsha sáwbetlesildı.

Ushırasıw ashıq sáwbet túrinde ótkerilip, puqaralar ózlerin qızıqtırǵan sorawlarına juwaplar aldı. Sonday-aq, tiyisli máseleler boyınsha juwapker mekemelerge tapsırmalar berilip, olardıń orınlanıwı baqlawǵa alındı.

Bunday ushırasıwlar xalıq penen turaqlı múnásibetti  bekkemlewge, púqaralardıń múrájatların óz waqtında sheshiwge hám transport xızmetiniń sapasın jaqsılawǵa qaratılǵan.