Mámleketimizde jámietlik transport sistemasın zamanagóy rawajlandırıw ushın kóplegen imkaniyatlar jaratılmaqta. Sol sebepli hár bir puqaradan belgilengen qaǵıydalarǵa boysınıw, jol haqısın óz waqtında tólew talap etiledi. Sebebi, jıynalǵan qarjılar avtobuslardıń texnikalıq jaǵdayın jaqsılawǵa, jańa transport quralların alıwǵa hám xalıqqa qolaylı xızmet kórsetiw sapasın arttırıwǵa xızmet etedi.

Reyd ilajları dawamında ayırım jolawshılar menen túsindiriw sáwbetleri ótkerilip, jámietlik transporttan paydalanıw mádeniyatı haqqında maǵlıwmatlar berildi. Sonday-aq, jol haqısın tólemew nızam buzılıwı ekenligi hám bunıń ushın tiyisli juwapkershilik bar ekenligi esletip ótildi.

Qalaımızda bunday reyd ilajları bunnan bılay da úzliksiz dawam etip, jámietlik transportta tártip hám ádillikti támiyinlewge qaratıladı. Xalıqtan bolsa avtobuslarda belgilengen qaǵıydalarǵa ámel etiw, jol haqısın waqtında tólew hám transport xızmetkerlerine húrmet penen qaraw soraladı.