Mámleketimiz ǵárezsizliginiń 35 jıllıǵı aldında xalıqtıń sociallıq jaǵdayın qollap-quwatlaw, ásirese, jas áwladqa kórsetilip atırǵan itibardı jáne de arttırıw maqsetinde bir qatar qayırlı jumıslar ámelge asırılmaqta.

Xojeli rayonında jaylasqan Sociallıq qalashada jasawshı Transport ministrine biriktirilgen shańaraqlardıń perzentlerine jańa oqıw jılı aldınan sawǵalar tapsırıldı.

Atap aytqanda, balalarǵa mektep formaları hám oqıw quralları alıp berilip, olardıń jańa oqıw jılın kóterińki keypiyat penen baslawına sharayat jaratıldı.

Bunday miyrim-shápáát hám ǵamxorlıq isleri balalardıń bilim alıwǵa bolǵan qızıǵıwshılıǵın arttırıw menen birge, olardı qollap-quwatlaw, keleshekke bolǵan isenimin bekkemlewde úlken áhmietke iye.

Jas áwlad - elimizdiń keleshegi. Olardıń sapalı bilim alıp, kamil insan bolıp jetiliwi - bárshemiz ushın eń áhmietli wazıypalardıń biri.

Mámleketimiz ǵárezsizliginiń 35 jıllıǵı aldınan ámelge asırılıp atırǵan bunday qayırlı jumıslar elimizde insan qádirin ulıǵlaw, shańaraqlarǵa ǵamxorlıq kórsetiw hám jas áwladqa qolaylı sharayat jaratıwǵa ayrıqsha itibar qaratılıp atırǵanınıń ayqın kórinisi bolıp tabıladı.