Qaraqalpaqstan Respublikası Joqarǵı Keńesiniń deputatı Kenesbay Karimov hám Ózbekstan Ekologiyalıq partiyasınan saylanǵan Nókis qalalıq Keńesiniń deputatı Aydarbek Aymuratov ózleri saylanǵan aymaq turǵınları menen ushırasıw ótkerdi.

Ushırasıw dawamında puqaralardı qıynap kiyatırǵan áhmietli máseleler, qorshaǵan ortalıqtı qorǵaw, sociallıq infrastrukturanı rawajlandırıw hám xalıqtıń abadanlıǵın arttırıwǵa qaratılǵan usınıs hám múrájatları tıńlandı.

Sonday-aq, deputat sorawı boyınsha Transport ministrliginiń Transporttı rawajlandırıw bólimi baslıǵı orınbasarı M.Jiemuratov tárepinen transport tarawına baylanıslı puqaralardıń múrájatları qabıl etilip, olardı sheshiw boyınsha tiyisli ilajlar belgilendi.

Bunday ushırasıwlar xalıq penen ashıqtan-ashıq sóylesiwdi támiyinlew, olardıń mashqalalarına sheshim tabıwda úlken áhmietke iye.