Ózbekstanda insan huqıqları menen erkinliklerin támiyinlew, ásirese, hayal-qızlar hám balalardıń huqıqların isenimli qorǵaw mámleketlik siyasattıń tiykarǵı wazıypalarınan biri bolıp esaplanadı. Usı maqsette Ózbekstan Respublikası Prezidentiniń 2026-jıl 3-mart kúni "Hayal-qızlar hám balalar huqıqlarınıń qorǵalıwın kúsheytiw jáne olarǵa bolǵan kúsh kórsetiw hám zorlıq jaǵdaylarınıń aldın alıw boyınsha qosımsha shólkemlestiriwshilik-huqıqıy ilajlar haqqında"ǵı PP-33-sanlı Pármanı qabıl etilgen.

Usı Pármannıń tiykarǵı maqseti hayal-qızlar hám balalarǵa hár qanday kúsh kórsetiw hám zorlıqtıń aldın alıw, olardıń huqıqları menen nızamlı máplerin isenimli qorǵaw jáne jámiette zorlıqqa mawasasız múnásibetti qáliplestiriwden ibarat.

Pármanǵa muwapıq, erte nekelerdiń aldın alıw, jas óspirimlerdiń huqıqların qorǵaw, ata-analardıń perzentler tárbiyası ushın juwapkershiligin kúsheytiw áhmietli wazıypalar sıpatında belgilengen.

Sonday-aq, mámleketlik uyımlar, huqıq qorǵaw uyımları hám puqaralıq jámieti institutlarınıń óz-ara birge islesiwin bunnan bılay da jetilistiriw názerde tutılǵan.

Párman sheńberinde kúsh kórsetiw hám zorlıqtan jábirlengen shaxslarǵa huqıqıy, psixologiyalıq hám sociallıq járdem kórsetiw sisteması keńeytilmekte. Qorǵaw orderlerin beriw ámeliyatı jetilistirilip, hayal-qızlar hám balalardıń qáwipsizligin támiyinlewge ayrıqsha itibar qaratılmaqta.

Juwmaqlap aytqanda, bul Prezident Pármanı mámleketimizde hayal-qızlar hám balalardıń huqıqların támiyinlew, olarǵa hár qanday kúsh kórsetiw hám zorlıqqa shek qoyıw jáne qáwipsiz hám salamat shańaraq ortalıǵın qáliplestiriwge xızmet etedi. Bul bolsa insan qádirin ulıǵlaw hám ádalatlı jámiet qurıw jolındaǵı áhmietli huqıqıy tiykarlardan biri bolıp esaplanadı.

 Nókis rayonlar aralıq hákimshilik

sudınıń sudyası                                                                                            S.A.Karamatdinova