Házirgi kúnde isbilermenler menen turaqlı ushırasıwlar ótkeriw jámiyet penен xalıq arasyndaǵı baylanıstı jáne de bekkemlemekte. Bunday ushırasıwlar arqalı puqaralardıń múrájatları tıńlanıp, olardı qiynap atırǵan máseleler boyınsha tiyisli usınıs hám sheshimler islep shıǵılmaqta.

Búgin Qaraqalpaqstan Respublikası Transport ministri B.Seytmuratov respublikamızda jolawshı tasıw menen shuǵıllanıwshı isbilermenler menen ushırastı.

Isbilermenler tárepinen bildirilip atırǵan pikir hám usınıslar ámeliy jaqtan úyrenilip, olardı tez arada ámelge asırıw boyınsha tiyisli sháralar kórilmekte.

Nókis qalası"Anvar Universal servis"JShJ tárepinen Nókis qalasındaǵı 21-sanlı "Oraylıq diyxan bazar-Jipek jolı MPJ (Sanatoriya kóshesi)" jónelisli mikroavtobus jónelisin Akademikler kóshesine shekem sozdırıp beriw boyınsha hám Nókis qalası "Golden Pegas Nukus"JShJ tárepinen ShYT-250-sanlı "Xalqabad AS-Nókis Arqa batis AV" hám ShYT-284-sanlı "Taxiatash AS-Jiydeli baysın AV" jónelisli mikroavtobus jónelislerin Oraylıq diyxan bazarına sozdırıp beriw boyınsha múrájatları kárxana basshılarınıń jónelisti sozdırıw boyınsha múrájatlarına tiykar, jónelislerdi sozıw máselesi tiyisli komissiyanıń juwmaǵına tiykar sheshim qabıl etiliwine baylanıslı kórip shıǵıladı.