Búgin, 2-sentyabr oqıwshılardıń kópten berli asıǵıp kútken jańa oqıw jılı baslandı.

Nókis qalasındaǵı 24-sanlı ulıwma orta bilim beriw mektebinde ótkerilgen ilajda Qaraqalpaqstan Respublikası Transport ministriniń orınbasarı A.Sádirbekov qatnastı.

Dáslep, Ózbekstan hám Qaraqalpaqstan Respublikalarınıń mámleketlik gimnleri atqarıldı.
Soń, Ózbekstan Respublikası Ǵárezsizliginiń 35 jıllıq bayramı hám jańa oqıw jılı menen qutlıqlawlar tıńlandı.

Sonday-aq, elimizde sońǵı jılları barlıq tarawlar qatarında bilimlendiriw tarawında da alıp barılıp atırǵan reformalar, jaslardıń tereń bilim alıwı ushın jaratılıp atırǵan imkaniyatlar haqqında keń túrde atap ótildi.

Bunnan soń  mektepte bilim berip atırǵan oqıtıwshılar menen jaqınnan pikirlesti. Olarǵa minnetdarshılıq bildirip, elimiz jasları arasınan joqarı nátiyjelerge erisetuǵın jaslar elimizde kóplep jetisip shıǵatuǵını ayrıqsha tilge alındı.