Berdaq atındaǵı Qaraqalpaq mámleketlik universiteti Qala qurılısı hám xojalıǵı kafedrası stajyor oqıtıwshılari G.Dosjanova hám A. Meńlibaevlar  basshılıǵında 3-basqısh Transport logistikası tálim baǵdarı  Óndirislik ámeliyatın tabıslı dawam ettirmekte.

Ámeliyat procesinde studentler Qaraqalpaqstan Respublikası Transport ministrliginiń jumısı menen jaqınnan tanısıp, transport tarawında alıp barılıp atırǵan reformalar, logistika processlerin shólkemlestiriw hám jolawshı tasıw xızmetlerin basqarıw boyınsha ámeliy bilimlerge iye bolmaqta.

   Sonday-aq, studentler Nókis qalasındaǵı  hám rayonlardaǵi  avtovokzallarda bolıp, olardıń jumısı, jolawshılar aǵımın basqarıw, transport qatnawların rejelestiriw, logistika xızmetlerin shólkemlestiriw hám zamanagóy basqarıw sistemaları menen jaqınnan tanıstı.

   Bul  Óndirislik  ámeliyatı studentlerdiń teoriyalıq bilimlerin bekkemlew, kásiplik kónlikpelerin rawajlandırıw hám keleshektegi miynet jumısına puqta tayarlıq kóriwinde ayrıqsha áhmiyetke iye bolmaqta.