Tashkent qalasındaǵı "Tashkentbasplan LITI" mámleketlik mákemesinde Ózbekstan transport, jol hám kapital qurılıs, qurılıs industriyası xızmetkerleri kásiplik awqamı Respublikalıq Keńesiniń "Jıldıń eń belsendi jas qánigesi" tańlawınıń respublikalıq basqıshı bolıp ótti.

Tańlaw "Eń belsendi jas qurılısshı" hám "Eń belsendi jas transportshı" nominaciyaları boyınsha shólkemlestirildi.
Qatnasıwshılardıń kásiplik sheberligi, ámeliy jetiskenlikleri, sociallıq belsendiligi, innovaciyalıq joybarları hám jámietlik jumıslardaǵı qatnasıwı  tóreshiler quramı tárepinen bahalandı.

Tańlawǵa Qaraqalpaqstan Respublikası Jolawshı tasıwdı monitoring hám qadaǵalaw mámleketlik shólkemi Xabar-kommunikacion texnologiyaları boyınsha bas qánigesi Allamurat Aytmuratov qatnasıp "Eń belsendi jas transportshı" nominaciyası menen sıylıqlandı.

Jeńimpazlar Respublikalıq Keńestiń diplom hám estelik sawǵaları menen sıylıqlandı.

Kásiplesimizdi bul jetiskenligi menen Qaraqalpaqstan Respublikası Transport ministrligi jámááti atınan qutlıqlaymız hám aldaǵı jumıslarında tabıslar tileymiz.