Qaraqalpaqstan Respublikası Transport ministrliginde kiberqáwipsizlikti bekkemlew, maǵlıwmatlar qáwipsizligin támiyinlew hám sanlı texnologiyalardan qáwipsiz paydalanıw máselelerine baǵıshlanǵan jıynalıs ótkerildi.

Jıynalıs dawamında xızmetkerlerge kiberqáwiplerdiń aldın alıw, jeke hám xızmet maǵlıwmatların qorǵaw, kúshli qupıya sózlerdi qollanıw, internet aldawshılıqlarınan saqlanıw, elektron pochta hám sociallıq tarmaqlardan qáwipsiz paydalanıw boyınsha keń túrde túsinikler berildi.

Sonday-aq, sanlı qáwipsizlik mádeniyatın qáliplestiriw, maǵlıwmat resursların isenimli qorǵaw hám hár bir xızmetkerdiń bul baǵdardaǵı juwapkershiligi atap ótildi.

Májilis sońında barlıq qatnasıwshılarǵa kiberqáwipsizlik talaplarına qatań ámel etiw, sanlı texnologiyalardan paydalanǵanda bárqulla abaylı bolıw hám maǵlıwmatlar qáwipsizligin támiyinlew boyınsha usınıslar berildi.