Qaraqalpaqstan Respublikası Transport ministrliginde korrupciyaǵa qarsı gúresiw, diniy ekstremizm, separatizm hám qumar oyınlarınıń keri tásiri, xızmetkerler arasında hár túrli jat illetlerge qosılıp ketiwdiń aldın alıw máselelerine baǵıshlanǵan jıynalıs ótkerildi.

 
Oǵan Transport ministri orınbasarı A.Sadirbekov, Mámleketlik qáwipsizlik xızmeti xızmetkeri A.Xasanbaev hám ministrliktiń xızmetkerleri qatnastı.
 
Jıynalıs dawamında Korrupciya - bul tek ǵana jınayat emes, al jámietti ishten jemiriwshi, demokratiya hám huqıq ústinligine zıyan keltiretuǵın, turaqlı rawajlanıwǵa tosqınlıq etetuǵın eń qáwipli sociallıq illet. Korrupciyaǵa qarsı gúresiw mámleket siyasatınıń baslı baǵdarlarınıń biri ekenligin atap ótti. Sonıń menen birge, hár bir xızmetker óz isinde nızam talaplarına qatań ámel etiw, xalıqqa kórsetiletuǵın xızmetlerdiń sapasın jaqsılaw hám túrli korrupciyalıq jaǵdaylardıń aldın alıw boyınsha túsindiriw jumısların alıp barıw zárurligi belgilep ótildi.