Qaraqalpaqstan Respublikası Transport ministrliginde Ózbekstan Respublikası Transport prokurorınıń orınbasarı D.Q.Raxmatullaevtıń isbilermenler menen ashıqtan-ashıq sóylesiw túrindegi qabıllawı bolıp ótti.

Qabıllaw barısında transport tarawında isbilermenlerdiń jumısın rawajlandırıw, olar ushın qolaylı sharayatlardı jaratıw, sonıń menen birge, tarawda ushırasatuǵın máselelerdi anıqlaw hám olardı sheshiw boyınsha pikir alısıwlar boldı.

Ushırasıwda isbilermenler ózlerin qızıqtırıp atırǵan máseleler, pikir-usınıslar hám bir qatar máseleler boyınsha óz múrájatların bildirdi.

Isbilermenler tárepinen bildirilgen múrájatlar tıńlanıp, kóterilgen máselelerdi belgilengen tártipte sheshiw boyınsha tiyisli túsinikler berildi.

Bunday ashıqtan-ashıq sóylesiwler transport tarawında isbilermenler menen óz-ara birge islesiwdi bekkemlewge, olardıń usınısların úyreniwge hám tarawdı jáne de rawajlandırıwǵa xızmet etedi.

Qabıllawda kóterilgen máseleler boyınsha tiyisli juwapkerlerge tapsırmalar berildi.