Joybardıń maqseti - Mikroavtobuslarda jol haqısın tólew procesin maksimal dárejede ápiwayılastırıw, naq pulsız esap-sanaqlar úlesin arttırıw hám jolawshı aǵımı jáne túsimlerdi tolıq qadaǵalawshı ashıq-aydın ekosistemanı jaratıw. Joybar aydawshınıń joldan shalǵıwın azaytıw arqalı háreket qáwipsizligin arttırıwdı da názerde tutadı.

Hár bir mikroavtobus salonına (kiriw bólimine hám jolawshılarǵa kórinetuǵın orınlarǵa) ózine tán QR-kod jabıstırıladı. Bul QR-kod usı avtotransport quralı hám onıń jónelisine baylanısqan boladı.

❗️Jolawshı qálegen belgili tólem qosımshası (Click, Payme, Uzum hám t.b.) yamasa joybardıń jeke qaltasınan QR-kodtı skannerleydi hám pul ótkeredi.

Aydawshınıń smartfonına arnawlı qosımsha ornatıladı.

Onıń islew funkcionalı tómendegishe:

Jolawshı QR-kod arqalı tólem qılıwı menen aydawshı ekranında jasıl reńde tólem muǵdarı hám waqtı dawıslı hám vizual túrde kórinedi.

Jolawshı naq pul bergende, aydawshı qosımshadaǵı arnawlı túymeni basadı. Bul sistemada ulıwma balans (QR + Naq) durıs qáliplesiwi hám jolawshılar sanı anıq esaplanıwı ushın xızmet etedi.

Naq pul hám naq pulsız pullar bir jerde, bir qosımshada jámlenedi.

Tólem tastıyıqlanıwı aydawshı ekranında 1-2 sekundta sáwlelenedi, bul bolsa bándirgilerde toqtap qalıw waqtın qısqartadı.

Bunıń nátiyjesinde kúnlik túsimler hám jónelistegi jolawshılar aǵımı haqqında anıq statistikalıq maǵlıwmatlar qáliplesedi.