Búgingi kúnde dúnya xalqınıń 2 milliardtan aslamın jaslar quraydı. Dúnyanıń rawajlanıwında jaslardıń ornı hám olardıń intellektuallıq potencialı úlken áhmietke iye.

Áyne búgingi dáwirde mámleketimiz basshısı atap ótip atırǵan tiykarǵı mashqalalardan biri bul jaslardıń bántligi bolıp esaplanadı.

Elimizde jaslardıń bántligin támiyinlew boyınsha kómeklesiw, olarǵa hár tárepleme járdem beriw maqsetinde bir qatar jumıslar alıp barılmaqta.

Búgin Qaraqalpaqstan Respublikası Transport ministri B.Seytmuratov, ministr orınbasarı A.Sádirbekov, Transporttı rawajlandırıw bólimi baslıǵı orınbasarı M.Jiemuratov QMU Arxitektura fakultetiniń Transport logistikası hám Jol háreketin shólkemlestiriw qánigelikleri toparı student jasları menen ushırastı.   

Ushırasıw dawamında jaslar ózlerin qızıqtırǵan sorawların, qaysı kásipke qıziǵıwshılǵı boyınsha pikir hám usınısların bildirdi. Jaslar tárepinen berilgen sorawlarǵa taraw qánigeleri tárepinen juwaplar berildi.