Prezidentimiz tárepinen berilgen tapsırmalardıń orınlanıwın támiyinlew maqsetinde aymaqlarda jámietlik transport sistemasın rawajlandırıw, jolawshı qatnawın qolaylı hám qáwipsiz shólkemlestiriw boyınsha ámeliy jumıslar izbe-iz dawam ettirilmekte.

Usı maqsette jámietlik transporttıń háreketleniw quramı sırt elde islep shıǵarılǵan zamanagóy, barlıq qolaylıqlarǵa ie avtobuslar menen jańalanbaqta. Atap aytqanda, Nókis qalasına jolawshı tasıw jumısı menen shuǵıllanıwshı "FAYZ AVANGARD" JShJ tárepinen avtobuslar alıp kelindi.

Bul avtobuslar Nókis qalası ishindegi jónelislerge brutto-shártnama tiykarında jaylastırılıwı rejelestirilgen.