Transport qadaǵalaw inspekciyasınıń Suw transportında qadaǵalaw Qaraqalpaqstan Respublikası aymaqlıq bólimi xızmetkerleriniń qatnasıwında Nókis avtotest orayında jaslar menen ushırasıw shólkemlestirildi.

Ushırasıw dawamında jaslarǵa transport tarawında ámelge asırılıp atırǵan reformalar, suw transportı qáwipsizligin támiyinlew, nızamshılıq talaplarına ámel etiw hám tarawda jas qánigeler ushın jaratılıp atırǵan imkaniyatlar haqqında tolıq maǵlıwmat berildi.

Sonday-aq, ilaj dawamında jaslar menen ashıqtan-ashıq sóylesiw ótkerilip, olardıń pikir-usınısları tıńlandı, qızıqtırǵan sorawlarına qánigeler tárepinen hár tárepleme juwaplar berildi. Ushırasıw jaslardıń huqıqıy sanası hám kásiplik qızıǵıwshılıǵın arttırıw, olardı Watanǵa sadıqlıq ruwxında tárbiyalaw hám transport tarawına baylanıslı bilimlerin bekkemlewge xızmet etti.