“Ózbekstan Respublikası Prezidentiniń  2022-yıl 12-iyuldaǵı  PQ-316-sanlı qararı tiykarında “Nókis avtovokzalı” JSHJ imaratına 2025-jıl may ayında rekonstrukciya jumısları baslanıp, rekonstrukciya jumısları Nókis qalasında jaylasqan "ARAY SERVIS STORY" JShJ tárepinen alıp barılmaqta. Búgingi kúnde rekonstrukciya jumısları dawam etpekte.

“Nókis avtovokzalı” JSHJ  2000-jılı  paydalanıwǵa tapsırıldı. Avtovokzal 250 jolawshıǵa mólsherlengen. Avtovokzal qalalararalıq hám xalıqaralıq jónelislerde, sonıń ishinde, "Nókis-Tashkent," "Nókis-Almata," "Nókis-Úrgensh," "Nókis-Tórtkúl," "Nókis-Beruniy," "Nókis-Bostan" avtobus hám mikroavtobus jónelislerinde  xızmet kórsetpekte.

Avtovokzalda ózine tiyisli 4 dana "YUTONG" markalı avtobusları bolıp, búgingi kúnde "Tashkent-Nókis" qalalar aralıq avtobus jónelisinde jolawshılarǵa transport xızmetin kórsetip kelmekte.