Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı mámleketimiz bayraǵı qabıl etilgenliginiń 34 jıllıq bayramı múnásibeti menen qutlıqladı.

Estafeta respublikamızdıń Moynaq rayonınan start alıp, Qońırat, Qanlıkól, Shomanay, Xojeli rayonlarında joqarı dárejede kútip alındı hám Nókis qalasına jetip keldi.

Búgingi ótkerilgen ilaj dawamında «Bayraq estafetası» sheńberinde simvolikalıq bayraǵımız tariyxıy orınlarımızdan biri bolǵan «Shılpıq» qorǵanı janında Nókis qalasınan Ámiwdárya rayonına tapsırıldı. Jası úlken nuranıylar, jaslar hám keń jámiyetshilik wákilleri qatnasıwında estafeta Xorezm wálayatı belsendilerine tapsırıldı.