Ózbekstan Respublikası Transport ministriniń birinshi orınbasarı M. Omarov Nókis qalasında isbilermenler menen ushırastı.
Ushırasıwǵa Qaraqalpaqstan Respublikası Transport ministri w.w.a B.Seytmuratov, Transport qadaǵalaw inspekciyası Avtomobil hám suw transportında qadaǵalaw Qaraqalpaqstan Respublikası aymaqlıq bólimi baslıǵı M.Aniyozov hám respublikamızda jolawshı tasıw xızmeti menen shuǵıllanıwshı isbilermenler qatnastı.

Ushırasıw dawamında  isbilermenler  ózlerin qızıqtırıp atırǵan hám olardı qıynap kiyatırǵan máseleler boyınsha sorawlar menen múrájat etti. Sorawlarǵa juwapker basshılar tárepinen hár tárepleme juwaplar berildi, mashqalalardı ornında sheshiw boyınsha usınıslar bildirildi.

Ushırasıwda  Transport tarawın elede rawajlandırıw, aymaqlar arasındaǵı transport baylanısların jaqsılaw, jolawshı tasıw processlerin jedel hám nátiyjeli shólkemlestiriw, jol infrastrukturasın modernizaciyalaw hám isbilermenlik jumısı ushın qolaylı sharayat jaratıw máseleleri dodalandı.

Sonday-aq, keleshekte bul baǵdardaǵı birge islesiwdi keńeytiw, jańa infrastrukturalıq joybarlardı ámelge asırıw boyınsha rejeler belgilep alındı.