“Ózbekstan Respublikası Prezidentiniń 2022-yıl 12-iyuldaǵı  “2022-2026-jıllar dawamında ámelge asırılıwı mólsherlengen “Qáwipsiz hám rawan jol” ulıwmamilliy dástúrin tastıyıqlaw haqqında”ǵı PQ-316-sanlı qararı tiykarında bir qatar jumıslar ámelge asırıldı.

Atap aytqanda, qarardıń tiyisli bántinde belgilengen tapsırmalardıń orınlanıwın támiyinlew maqsetinde usı jıl dawamında ótkerilgen elektron tender tańlawlarında 96 jónelis boyınsha jeńimpazlar anıqlanıp, barlıq jolawshı tasıw menen shuǵıllanıwshı avtokárxanalardıń 1277 dana avtotransport qurallarına GPS sisteması ornatıldı hám Qaraqalpaqstan Respublikası Transport ministrligi janındaǵı "Jolawshı tasıwdı monitoring hám qadaǵalaw" mámleketlik mákemesiniń avtomatlastırılǵan dispetcherlik bólimine integraciyalandı. Sonday-aq, Nókis qalasında  jámi 20 avtobus jónelisleri shólkemlestirildi.

Usı qarar tiykarında isbilermenler hám fizikalıq shaxslar tárepinen óz qarjıları esabınan jónelissiz  hám jónelisli taksi jónelislerindegi avtotransportlarǵa jámi 907 videoregistrator ornatıldı.

Sonıń menen birge, jámietlik transport infrastrukturasın jańalaw baǵdarında 65 dana avtobus aralıq bándirgilerin qurıw jumısların ámelge asırıw belgilengen edi. Sonnan  búgingi kúnde, 11dana avtobus bándirgiler jańadan qurıp pitkerildi. Bul boyınsha jumıslar ele dawam etpekte.