Búgin Qaraqalpaqstan Respublikası Transport ministriniń gezektegi jeke qabıllawı ótkerilmekte.

Qabıllaw dawamında puqaralar transport tarawına tiyisli ózlerin qızıqtırǵan máseleler, usınıslar hám múrájatlar menen qatnastı.

Jeke qabıllaw waqtında puqaralar jolawshı tasıw xızmetiniń sapasın jaqsılaw, avtobus qatnawların kóbeytiw, transport infratuzılmasın rawajlandırıw hám basqa da áhmiyetli máseleler boyınsha óz pikir-usınısların bildirdi.

Transport ministri hár bir múrájattı tıńlap, kóterilgen máselelerdiń mazmunın tereń úyrenip shıǵıw hám olardı nızam sheńberinde oń sheshiw boyınsha tiyisli tapsırmalar berdi. Sonıń menen birge, ayrım máseleler boyınsha puqaralarǵa tiyisli túsindiriw jumısları alıp barıldı.

Bunday jeke qabıllawlar puqaralar menen ashıq hám tıǵız baylanıstı támiyinlewge, olardıń múrájatların óz waqtında kórip shıǵıwǵa hám transport tarawındaǵı máselelerdi sapalı sheshiwge xızmet etedi.