Transport qadaǵalaw inspekciyası Avtomobil transportında qadaǵalaw Qaraqalpaqstan Respublikası aymaqlıq bólimi xızmetkerleri hám IIM JHQB JPX xızmetkerleri menen birgelikte xalıqaralıq júk hám jolawshı tasıwlardı ámelge asırıp atırǵan transport quralları aydawshılarınıń miynet hám dem alıw rejimine ámel etiwi boyınsha qadaǵalaw ilajları alıp barılmaqta.

Qadaǵalaw dawamında aydawshılardıń miynet hám dem alıw waqıtların jazıp alıwshı taxograf qurılmasınıń texnikalıq sazlıǵı hám onnan durıs paydalanıw, kabotaj tasıwlarǵa jol qoymaw, sonday-aq, xalıqaralıq tasıwlardı ámelge asırıw ushın zárúr bolǵan ruxsatnama blanki (tańlaw) nıń belgilengen tártipte toltırılǵanı tekseriledi.

Belgilengen qaǵıydalarǵa ámel etpegen aydawshılarǵa tiyisli sharalar kórilmekte.

Bul qadaǵalaw ilajları xalıqaralıq tasıwlar tarawında ámeldegi nızamshılıq talaplarına ámel etiliwin qadaǵalaw hám tasıwlardıń sapasın arttırıwǵa xızmet etedi.