Xalıqtıń jámiyetlik transportqa bolǵan talabı kún sayın artıp barmaqta. Hár kúni kimisi oqıwǵa, kimisi jumısqa atlanadı. Sonlıqtanda transportqa kúnde zárúrlik bar. Xalqımızdıń bul baǵdardaǵı talabın qanaatlandırıw baslı maqsetimiz. Sebebi insan qádiri ulıǵlanǵan elimizde barlıq tarawlarda ózgeris hám jańalanıwlar júz berip atırǵanlıǵı Húrmetli Prezidentimizdiń áyne Qaraqalpaqstanǵa bolǵan ayrıqsha itibarı hám ǵamxorlıǵınıń ámeliy kórinisi bolıp esaplanadı.

Qaraqalpaqstan Respublikası Transport ministrligi hám Transport qadaǵalaw inspekciyası Avtomobil hám suw transportında qadaǵalaw Qaraqalpaqstan Respublikası aymaqlıq inspektorları  tárepinen Nókis qalasında xalıqqa jámiyetlik transport xızmetin kórsetip atırǵan avtotransportlardıń belgilengen jol haqıda xızmet kórsetiwi hám aqırǵı mánzilge tolıq jetip barıwın támiyinlew maqsetinde qadaǵalaw ilájları alıp barıldı.