Múrájatta: Nókis qalası “Xalıqlar doslıǵı” MPJ aymaǵındaǵı J.Seytova hám E.Alakóz kósheleri kesilispelerinde Taxtakópir hám Moynaq rayonlarına jolawshı tasıp júrgen 30 dan aslam jeńil avtotransportlar tártipsiz túrde pitak qılǵan halda jol boylarına qoyǵanlıǵı, sonday-aq, júk avtotransportlarınıń tań azannan júklerdi túsiriwi sol jerde jasawshı puqaralarǵa zıyan keltirip atırǵanı, sonıń menen birge “Nókis-Xojeli” jónelisi boyınsha Oraylıq bazardan hújjetsiz jolawshı tasıp júrgen Damas avtotransportları kóbeyip baratırǵanı usı jóneliste nızamlı túrde xızmet etip atırǵan avtotransportlarǵa keri tásirin tiygizip atırǵanlıǵı aytılǵan.

Múrájattı úyreniy barısında Transport ministrligi, IIM Jol háreketi qáwipsizligi basqarması hám Transport qadaǵalaw inspekciyası Avtomobil hám suw transportında qadaǵalaw Qaraqalpaqstan Respublikası aymaqlıq bólimi xızmetkerleri menen birgelikte monitoring jumısları ótkerilip, orın alǵan kemshiliklerdi saplastırıw júzesinen tiyisli taraw basshıları tárepinen qadaǵalawǵa alındı.