Házirgi waqıtta sociyallıq tarmaqlar arqalı Nókis qalası ishindegi 14-sanlı “Oraylıq bazar- Temir jol vokzal” jónelisiniń jabılıwı sebebinen múrájatlar kelip túspekte. Bul boyınsha Qaraqalpaqstan Respublikası Transport ministrligi tárepinen tómendegilerdi málim etip bildiremiz.

Ózbekstan Respublikası Prezidentiniń 2023-jıl 16-fevral kúngi "Jámietlik transport sistemasın reformalaw is-ilajları haqqında"ǵı PQ-59-sanlı qararına tiykar Nókis qalasına avtobuslar alıp keliw hámde Brutto shártnaması tiykarında avtobus jónelislerin shólkemlestiriw belgilengen edi.

Búgingi kúnde jańadan alıp kelingen avtobuslar  Brutto shártnaması tiykarında shólkemlestirilgen 20 dana jóneliske basqıshpa basqısh jaylastırılıp atır.

Jaqında bul aymaqqa 2A-sanlı “Áskeriy gornizon-Jiydeli baysın elatı” jónelisi boyınsha avtobuslar jolǵa qoyıldı.

Maǵlıwmat  ushın: Usı avtobus jónelisiniń tolıq iske túsiriliwine shekem Ózbekstan Respublikası Ministrler Kabinetiniń bildiriw xatına tiykar Nókis qalasında 15 dana waqtınsha jónelislerdi jolǵa qoyıw boyınsha tapsırmalar berilgen. Sol qatarlı 14-sanlı “Oraylıq bazar- Temir jol vokzal” jónelisi waqtınsha shólkemlestirilgen jónelis bolǵanlıǵı sebepli qısqartıldı. Yaǵnıy, 2A-sanlı “Áskeriy gornizon-Jiydeli baysın elatı” avtobus jónelisi menen 27-sanlı “Temir jol vokzalı- Urgensh Trans Gaz” mikroavtobus jónelisi birgelikte xızmet kórsetiw aymaǵın tolıq qamtıp alǵanlıǵın maǵlıwmat retinde bildiremiz.