Bozataw rayonı “Bozataw” PPJ aymaǵında jaylasqan 1-sanlı ulıwma orta bilim beriw mektebinde rayon hákimi B.Ubbiniyazov, Ózbekstan Respublikası Transport Ministriniń orınbasarı I.Abdugaffarov hám rayon Ishki isler bólimi baslıǵı U.Kurbanbaevalar menen birgelikte aymaqta jasawshı puqaralardıń múrájatların úyreniw hám olarǵa unamlı sheshim tabıw maqsetinde gezektegi kóshpeli qabıllaw bolıp ótti.

Bolıp ótken kóshpeli qabıllawǵa tiyisli taraw wákilleri hám aymaq turǵınları qatnastı. Qabıllaw dawamında puqaralar tárepinen transport xızmeti, ishki jollardı ońlaw hámde basqada turmıslıq mashqalalarǵa baylanıslı bolǵan múrájatlar kelip tústi.

Puqaralar tárepinen bildirilgen bir qatar múrájatlar sol orınnıń ózinde qanaatlandırıldı, sheshimi waqıt talap etetuǵın múrájatlardıń unamlı sheshim tabıwı ushın tiyisli juwapkerlerge anıq tapsırmalar belgilep berildi.