Ózbekstan Respublikası Ministrler Kabinetiniń 2024-jıl 28-oktyabrdegi 710-sanlı qararına (https://lex.uz/uz/docs/-7180916) 2-qosımsha sıpatında "Jergilikli júk tasıwshılardıń úlken kólemli hám awır salmaqlı avtotransport qurallarınıń avtomobil jolları boylap háreketleniwi ushın tólemlerdi ámelge asırıw jáne háreketleniw hám júk tasıw qaǵıydaların buzıw nátiyjesinde jetkerilgen zıyandı qaplaw tártibi haqqında"ǵı reje tastıyıqlanǵan (https://lex.uz/uz/docs/-7180916#-7181994).

Usı rejeniń 3-babında úlken kólemli hám awır salmaqlı avtotransport qurallarınıń ulıwma paydalanıwdaǵı avtomobil jollarında háreketleniw hám júk tasıw qaǵıydaların buzıw nátiyjesinde jetkerilgen zıyandı qaplaw ushın tólemler belgilengen.

️ Úlken kólemli hám awır salmaqlı avtotransport quralları ruxsatnamasız háreketleniwi hám júk tasıw qaǵıydaların buzǵanlıq nátiyjesinde avtomobil jolları qaplamasına hám konstrukciyasına jetkerilgen zıyan muǵdarı hár bir basıp ótken kilometr aralıq ushın tómendegishe esaplanadı:

- avtotransport quralınıń ulıwma awırlıǵı 50 tonnaǵa shekem bolǵanda - bazalıq esaplaw muǵdarınıń otız procenti muǵdarında;

- avtotransport quralınıń ulıwma salmaǵı 80 tonnaǵa shekem bolǵanda - bazalıq esaplaw muǵdarınıń bir esesi muǵdarında;

- avtotransport quralınıń ulıwma salmaǵı 80 tonna hám onnan joqarı bolǵanda - bazalıq esaplaw muǵdarınıń úsh esesi muǵdarında.

Basıp ótilgen aralıqtı anıqlaw imkaniyatı bolmaǵan jaǵdayda jetkerilgen zıyan muǵdarları eki júz kilometr ushın óndiriledi.

️Úlken kólemli hám awır salmaqlı avtotransport qurallarınıń ulıwma paydalanıwdaǵı avtomobil jollarında háreketleniw hám júk tasıw qaǵıydaların buzǵanlıq nátiyjesinde jetkerilgen zıyan Transport ministrligi janındaǵı Transport qadaǵalaw inspekciyası hámde Avtomobil jolları komiteti tárepinen belgilengen tártipte óndiriledi.

!!️Júk tasıwshıǵa qarata hákimshilik juwapkershilik sharaları qollanılǵanda, onı avtomobil jolı hám jol qurılmalarına jetkerilgen zıyandı qaplawdan azat etpeydi.

Búgingi kúnde awır júk artılǵan avtotransport qurallarınıń sanı sezilerli dárejede artıp baratırǵanlıǵı sebepli avtomobil jollarında salmaq hám kólem parametrleri qadaǵalawın kúsheytiw áhmietli máselege aylanbaqta.

Barlıq islenip atırǵan jumıslardıń maqseti avtomobil jolları hám kópirlerdiń múddetinen aldın buzılıwlarınıń aldın alıw, jollarda háreket qáwipsizligin támiyinlew, normadan artıq júk artılǵan avtotransport quralların tártipke salıwdan ibarat.

Húrmetli júk tasıwshılar!

Respublikamız avtomobil jollarında háreketlengende belgilengen talap hám normalarǵa ámel etken halda háreketleniń.

Sebebi, avtomobil jolları xalqımızdıń ulıwma múlki bolıp, onı qásterlep saqlaw bárshemizdiń minnetimiz!