Qaraqalpaqstan Respublikası Transport ministriniń orınbasarı A.Sádirbekov aymaqtaǵı jolawshı tasıwshı transport xızmetine bolǵan talaptı hám rayon boyınsha házirgi kúndegi transport tarawına tiyisli bolǵan infrastrukturalardıń zárúrligi, olardıń orınlanıp atırǵan jumıslarınıń kólemi menen tanısıw maqsetinde Tórtkúl rayonında xızmet saparında boldı.

Dáslep Tórtkúl rayonı 115 avtokárxananıń avtotransport basqarıwshıların oqıtıw mektebinde tasıwshılar hámde aymaq turǵınları menen kóshpeli qabıllaw ótkerildi.

Ushırasıw dawamında qatnasıwshılar tárepinen jónelislerdi optimizatsiyalaw, tenderge qoyılǵan jónelislerdiń qolaylıqları, JPS penen úskenelew hám basqa da ózlerin qızıqtırǵan sorawlar boyınsha sáwbetlesildı.

Sonday-aq, jónelislerdıń optimizatsiyalanıwı boyınsha bildirilǵen másele sol jerdıń ózinde óz sheshimin taptı.