Ózbekstan Respublikası Prezidentiniń 2025-jıl 19-sentyabrdegi PP-173-sanlı Pármanınıń orınlanıwın támiyinlew maqsetinde Transport ministriniń orınbasarı I.Abdugafarov basshılıǵındaǵı jumısshı topar Qaraqalpaqstan Respublikası Nókis qalası hám Bozataw rayonında bolıp, xalıq hám awıl xojalıǵın dizimge alıw ilajlarına tayarlıq jumısları menen jaqınnan tanıstı.

Ministr orınbasarı qala hám rayon basshıları máhálledegi juwapkerler menen ushırasıwlar ótkerip, dizimge alıw procesindegi wazıypalar hám máselelerdi dodaladı.

Sapar dawamında imkaniyatlar úyrenilip, ilajdı nátiyjeli ótkeriw boyınsha anıq usınıs hám kórsetpeler berildi.