Jaqında Prezidentimiz basshılıǵında xalıqtıń múrájatları menen islesiw sistemasın jańa basqıshqa kóteriw hám jámiechilik pikirin tereń tallaw máseleleri boyınsha bolıp ótken videoselektor májilisinde berilgen tapsırmalardıń orınlanıwın támiyinlew maqsetinde búgin Qaraqalpaqstan Respublikası Transport ministrliginde isbilermenler menen ushırasıw bolıp ótti.

Oǵan Aral boyı Transport prokurorı D. Mádenov,.prokuror orınbasarı B.Erejepov,. Transport ministri w.w.a B.Seytmuratov, Ózbekstan Respublikası Prezidenti janındaǵı isbilermenlik subektleriniń huqıqları hám nızamlı máplerin qorǵaw boyınsha wákili.E.Dospanov, Transport qadaǵalaw inspekciyası Avtomobil hám suw transportında qadaǵalaw Qaraqalpaqstan Respublikası aymaqlıq bólimi baslıǵı M.Aniyozov hám respublikamızda jolawshı tasıw xızmeti menen shuǵıllanıwshı isbilermenler qatnastı.

Húrmetli Prezidentimiz "Hár bir insan hám shańaraqtıń mashqalasın bilip, waqtında járdem beriwim kerek" degen súreni basshılar ushın bas qaǵıyda bolıw zárúrligin atap ótken edi.
Usı tiykarda hár hápteniń piyshembi kúni Prokuror hám isbilermenler ushırasıwın ótkeriw belgilendi.

Ushırasıw dawamında isbilermenler ózlerinde ushırasıp atırǵan mashqalaları menen birge pikir hám usınısların bildirdi. Taraw basshıları tárepinen ushırasıp atırǵan mashqalalardı úyrenip shıǵıp unamlı sheshiw boyınsha tapsırmalar berildi.