Nókis avtovokzalında “Diniy ekstremizm hám terrorizmge qarsı gúresiw”, "Missionerlik jámiyettiń turaqlılıǵı ushın qáwip", "Jawızlıqqa qarsı aǵartıwshılıq” atamalarında úgit-násiyat ilajı ótkerildi.

Ilájǵa Transport ministri P.Kaipbekov, Mámleketlik qáwipsizlik xızmeti xızmetkeri A.Hasanbaev, jolawshı tasıwshı kárxana basshıları hám avtobus basqarıwshıları qatnastı.

Ilajda  “Diniy ekstremizm hám terrorizmge qarsı gúresiw”, "Missionerlik jámiyettiń turaqlılıǵı ushın qáwip", "Jawızlıqqa qarsı aǵartıwshılıq” atamalarında  diniy aǵartıwshılıq tarawında alıp barılıp atırǵan reformalar, missionerlik hám prozelitizmniń ayanıshlı aqıbetleri, tınıshlıqtıń qádirine jetiw, shúkirshilik tuyǵısı, sociallıq tarmaqlar arqalı tarqalıp atırǵan salamat emes aqıydalardan sergek bolıw sıyaqlı áhmiyetli temalarda sóz etildi.

Sonday-aq, avtovokzalda hár bir jolawshı hám bagajlarǵa, ásirese, jolawshılar aǵımınıń kóp bolatuǵın waqıtları ayrıqsha itibar berip, avtobus bagajı hám salonların qatań tekseriw, gúmanlı jolawshılarǵa, olardıń júklerine ayrıqsha itibar qaratıw kerekligi, kárxanalarǵa biriktirilgen jónelislerde shártnamada kórsetilgen bántlerine ámel etiliwi haqqında aytıp ótti.