Búgin Transport ministrligi hámde “Shaxaman Trans” JSHJ menen birgelikte Mámleketimiz ǵárezsizliginiń 35 jıllıǵı múnásibeti menen Kegeyli rayonı aymaǵında jasawshı  bir qatar nuranıylar  hám "Temir dápter"ge kirgizilgen shańaraq aǵzalarınan ibarat 160 adam ushın Xiywa qalasına biypul sayaxat shólkemlestirildi.

Sayaxattıń tiykarǵı maqseti - jası úlken nuranıylar hám sociallıq qorǵawǵa mútáj shańaraqlarǵa itibar hám ǵamqorlıq kórsetiw, olardıń bos waqtın mazmunlı ótkeriwine sharayat jaratıw, sonday-aq, tariyxıy-mádeniy orınlar menen tanıstırıwdan ibarat.

Sapar dawamında sayaxatshılar Xiywa qalasınıń tariyxıy orınların aralap, qalanıń tákirarlanbas arxitekturası, ájayıp estelikleri hám bay mádeniy miyrası menen tanıstı. Ásirler dawamında saqlanıp kelingen tariyxıy orınlardı kórip, sayaxatshılar ózlerine jaqsı tásirler aldı.